Happiness 50

اولا بشكر كل الرجالة المحترمين ال بعتولي و قالولي انتي مكانك مش هنا 🌹. لو سمحت قبل ما تتواصل معايا اقرا كويس جداا كل كلمة انا كتباها علشان مش هتناقش فيها و لا هحاول اقنعك ولا تقنعني. و لو مؤشرات الجدية - البلد و رقم الهاتف باسم حضرتك😊 - مش موجودة علي الموقع او رقمك Truecaller- getcontact مش باسم حضرتك كل ده red flag او بتدخن او غير قادر علي الانجاب.او مش عارف يعني ايه قوامة😊. او ان دخلك و شغلك مش مناسب او متزوج او مش بتصلي كل الاوقات لو سمحت ما تتواصلش معايا .انا عاوزة انسان يتقي ربنا في كل كلمة و تصرف بيعمله جاد و راجل ابن اصول محترم ملتزم دينيا و ليس متشدد .الوظيفة مكتوبة بوضوح ما فيش حاجة اسمها بعد التعارف. لو منفصل من غير طلاق رسمي او سن مش مناسب او عمل غيرمناسب او مش موجود في مصر مش هتواصل . و تكون بتتكلم بطريقة محترمة تليق بيك و بالانسانة المحترمة بنت الناس ال وافقت تتكلم معاك و مش مقبول نهائي التجاوز في الحوار و الكلام كاننا خلاص متجوزين اتقوا الله ال بيعمل كده و ده هدفه من دخول الموقع اكيد نهايته انه هيتجوز واحدة اكيد زيه .انا اسفة اكيد ال وافقت علي انها تعصي ربنا و لو بكلمة معاك عملت قبل كده مع كتير غيرك ده لو انت اصلا داخل الموقع علشان تتجوز بصراحة شىء مقزز جدا. ولازم يكون قد كلمته و لازم يكون عارف هو عاوز ايه لانه فعلا بقي عملة نادرة .كنت اول ما دخلت الموقع مستغربة ليه ناس علي الموقع بالسنين لكن دلوقتي مش مستغربة خااالص😄 لان انا نفسي من سنتين علي الموقع و مش عندي مشكلة اكمل اكتر من كده . و في ناس للأسف مرضي نفسيين ربنا يشفيهم .يعني ايه نبدا كلام و تختفي حتي لو يوم وبعدين ترجع و عاوز ارد عليك مستحيييل لاني مش هتجوز الا راجل مش عيل و في ناس فعلا بعيدة كل البعد عن الاحترام و كاتب انه محترم و جاد 🙄 و سبحان الله المكتوب في بروفايل ناس مالوش علاقة خالص باخلاقه و علاقته بربنا و انه يحلل كل الحرام و انا راجل البيت و تسمعي كلامي من اول مكالمة ..لا حضرتك راجل غريب و هتفضل غريب لغاية ما يكون في مقابلة و اتاكد من كل حاجة حضرتك بتقولها و تدخل البيت و الناس دي بتنسي هي بتكلم مين و انها بتكلم انسانة محترمة استاذ في الجامعة و جميلة الحمدلله و محجبة و شيك جدااو ملتزمة جدا والدي الله يرحمه كان رجل ازهري .علي فكرة في كتيراوي مش محجبات و محترمين طالما حضرتك مصمم علي حاجة في دماغك ما تضيعش وقتك ووقتي . و انا متاكدة ان زي ما في اشباه رجال خاصة ال بيعمل اكتر من حساب علي الموقع بصراحة شيء مقزز جداا في اشباه نساء لاننا في الدنيا مش في الجنة. علشان كده ارجوكم لا للمرضي النفسيين ال عنهدهم عقد من علاقات سابقة. او عقيم و لازم يكون علي خلق مش داخل يتسلي و يتقي الله في بنات الناس في القول و الفعل صادق في الفعل قبل القول. مش كذااب الصدق منجاة و الله و مش بخيل طبعاا و كريم جدا وياريت يكون خفيف الدم😊 ذو وضع اجتماعي و عمل و مركز مرموق او ان يكون له عمل خاص به مرموق و يكون ميسور الحال جدا و ساكن في منطقة راقية جدا.لا يقل عمره عن ٤٢ سنة و لا يزيد عن ٥٣ سنة أرمل او مطلق لو سمحتم ركزو في السن و الوظيفة.. لان انا عمري ٥٠ سنة لم يسبق لي الزواج و في ناس غالبا مش واخدة بالها من سني و ان ده مهم علي الاقل بالنسبة لي و كل واحد حر في وجهة نظره لاني مش هتجوز حد في التلاتينات اكييد و يكون ذو شخصية قوية .لازم يكون ناجح جداافي شغله وبيحبه و عارف كويس جداا قيمة نفسه و بيحبها علشان يعرف يحب و يقدر الانسانة ال معاه و يكون رياضي و بيهتم بصحته و شيك و بيحب ال perfume و رومانسي .لازم يكون طويل مش اقل من 175 سم علي الاقل وسيم .يكون لي و اكون له السند و الأمان.لو خارج مصر حاليا او مش ساكن في القاهرة او الجيزة او عايش في اي محافظة تانية لو سمحت ما تبعتش لاني مش هقدر اتواصل مع حضرتك و مش هسافر خارج مصر اكتر من شهر أو اتنين في السنة لظروف خاصة بوالدتي ربنا يبارك في عمرها و لظروف شغلي .أرفض ان اكون زوجة تانية و أرفض اي شخص متلاعب و لا يهتم بمظهره و برفض التدخين تماما لاني اكيد هخاف علي صحة الإنسان ال هكمل معاه الباقي من عمرنا او غير ملتزم بالصلاة و يفضل ان يكون أرمل و عنده اولاد و اكون لهم ام او مطلق بدون مشاكل من الزواج السابق او قضايا و عنده اولاد .ارجو قراءة ملفي جيدا لعدم الاحراج و تضيع الوقت لاني كاتبة كل حاجة بوضوح. ولازم تكون متاحة صورة شخصية حديثة علي الموقع لاني مش هتواصل مع اي حد مش عارفة شكله ايه. القبول مهم جدا علي الاقل بالنسبة لي لان ببساطة ممكن تشوف صورتي انا ما تعجبكش و بعد التواصل و القبول نحدد المقابلة. و ربنا يكتب الخير للجميع..انا عندي يقين و مش هياس اكيد في هنا و لو واحد بس نظيف ابن ناس يستاهلني و استاهله ❤️