وتين الروح 2025

سائلين عليك كل العباد الجونا منك و المشو يوماتي سيرتك احلي زاد لزول غيابك اوحشو يتنسم الاخبار عليك ما السيرة ساكت تنعشو -- سائلين عليك قمر السما المن جمالك فتنتو الهي يرعنو النجوم شال من ملامحك نضرتو اتهادى مابين النجوم بهرج جمالك طلعتو سالتو ليه طال الغياب وين البنعشق طلتو -- لا ردَّ لا جايب خبر اشواقنا وين ماوصلتو هانت سنين الود عليه ولا المشاغل نستو سائلين عليك شوق العيون لو لينا سمعو وانصتو ياشوق سرى و ما شاف ورى لامن عيونك نادتو ---- وريهو يا شوقنا الهوي شارك عيونا الرادتو قول ليهو لو طال الغياب ما زلنا راجين عودتو طارينا ولا غياب سنين غير ملامحو و قصتو و الليهو في الافراح نصيب يجي يوم و ياخد قسمتو