moh_taq

انا شخص هادئ و بسيط لأبعد الحدود مش بحب تعقيد الدنيا خالص. بحب الصراحه جدا مهما كانت قاسيه. الحمد لله ربنا كرمني و اداني القدره علي التغلب ع صعوبات كتير ف الحياه. انا بعتقد انها ليها دور كبير في تشكيل شخصيتي اللي بتتوصف انها مختلفه من معظم اللي حواليا -مع اني مش شايف ده و شايف اني ع طبيعتي-. نظرتي للاشياء قد تكون مختلفه و لكني مبسوط بيها. قليل الكلام ف العموم. بحب افعالي تتكلم عني. بحب اختصر و احل الامور من جذورها. مبقتش احب احط عقلي ف مواقف مرهقة و مالهاش اي لازمه. ابسط الاشياء تشعرني بالرضا و السعاده. قد تكون كوباية شاي بالنعناع ف مكان هادئ. او قعده بسيطه ع البحر في هدوووووووووء. بالنسبه ل حياتي الزوجيه الحاليه. الحمد لله حياة مستقره جدا و سعيد بيها جدا. فكرة التخلي عن حياتي الزوجيه الحالية غير مطروحه اساسا و لا عمرها هاتكون محل نقاش. لاني تعبت فيها جدا و في تكوينها و انها تبقي بالشكل اللي هيا عليه. يجي السؤال بقي انا هنا ليه؟ انا بدور ع واحده اعيش معاها مرحله جديده من حياتي. مش مجرد تجربه. انا عايز واحده عايزه تستقر و تبني بيت بجد و تبقي جزء من حياتي. حياة زوجيه متكامله ب حلوها و مرها. مش مجرد واحده للترفيه. لأن الزواج مسئوليه اكتر من انه ترفيه. ياريت اللي مهتمه تضيفني ل قائمة الاهتمام لاني مش هاتواصل غير مع اللي مهتمه فقط. شكرا