أنا MayoMoon ، 41 عاما من مصر أبحث عن زوجة رقمي في مودة هو 10416448

عضوية مميزة

السكن و الحالة الإجتماعية

السلام عليكم ورحمة الله وبركاته ... مش سهل ان حد مننا يعرف يوصف نفسه بس انا هحاول .. بفضل الله انا عبد من عباد الله بخاف ربنا قوي والحمد لله شكلي اصغر من سني بحب الهزار والضحك وبيقولوا عليا دمي خفيف وهذا من فضل ربي علي وانعم الله علي بقلب بيعرف يحب بجد قلب سهل تكسبيه بكلمة حلوه طيب مخلص تقي نقي وفي جدا راجل يعرف يقدر زوجته ويحترمها ويحتويها ويحسسها بأنوثتها ويحسسها بكرامتها ويوريها اد ايه قدرها عالي في نظره راجل يحبها تكون سعيدة ومبسوطة وبتضحك طول ما هي معاه راجل يعرف امتى تحتاج حبيبته لحضنه وامتى تحتاج لفكره وعقله راجل يعرف ازاي يخلي حبيبته تنتظره بشوق لما يغيب عنها راجل يعرف يديها قرار ويعلمها ازاي تختار راجل تحس انه ضهر وسند ليها راجل يحميها من عيون الناس ويعلي من شأنها ما بينهم يساعدها لما تحتاجه يشجعها لما تضعف تلاقيه جنبها لما تتعب راجل يغنيها عن اي حد في الدنيا مهما كان قريب ليها ..

السلام عليكم ورحمة الله وبركاته -ياريت اللي اضفتها في قائمة اهتمامي تفهم اني عايز اراسلها فياريت تضيفني في قائمة اهتمامها او حتى تبعتلي رسالة عشان اعرف ابعتلها واتواصل معاها بشكل جاد لاني رافض سياسة الابتذاذ من الموقع واستغلال حاجة الأعضاء في كسب المال- بداية انا جاد جدا في طلبي للي بيشتكوا إنهم مش لاقيين حد جاد فا انا جاد جدا اهو .... باختصار شديد انا زوجتي توفت من فترة عشان كانت مريضة بالسرطان وكانت دنيتي وحياتي وشريكتي في كل خطوة في حياتي حتى في عز مرضها الله يرحمها بس اللهم لا اعتراض على قضائك وحسيت إن ربنا بيديني فرصة تانية لحياة جديدة ورحلة جديدة وبدور على شريكة جديده لحياتي ولعمري كله انا نفسي في زوجة وحبيبة وسند لقلبي والاقي الدفأ في حضنها قبل كل شيء وكمان تكون ام حقيقية لاطفالي الايتام دول اللي بقوا أمانة في رقبتي وتساعدني في تربيتهم وربنا يقدرني على حفظ الأمانة